وحسني ثلاث عقود كم طق مسمـار
في كيـد عـدوان البـلاد ودحرهـا
مواقفـه ماتنجحـد سـر وجـهـار
والشعب له فيما مضى قـد شكرهـا
ياقو باسـة كيـف للحيـن منهـار
رغم الظروف اللي تفاقـم خطرهـا
لو كـان لـه زلات للذنـب غفـار
ربـي عبـاده بالتسامـح ومـرهـا
اعطوه فرصه واقبلو منـه الاعـذار
دام الحواجـز للتفـاهـم كسـرهـا
حال العرب يبغالها اصلاح واعمـار
وان ماعمرهـا الله فلاحـدٍ عمرهـا
هبت رياح التفرقـه والغطـا طـار
عن روس قـومٍ ماتخلـي قشرهـا
نار الفتن تشتب في كـل الامصـار
مصـرٍ تعداهـا ومصـر تغمـرهـا
الغرب تطحـن بالرحـا دار مـادار
واللي براسه حـب يطلـع نحرهـا
تلعب علينـا لعبـة البـس والفـار
قدامنـا تمشـي وتحفـر حفـرهـا
الوضع مزري والحدث شد الانظـار
مدري متى تركـد ويصفـي كدرهـا
والحمـد لله دارنــا دار الاحــرار
من فضل ربي ماشكت مـن قهرهـا


قسم بالله انك جبتها على الجرح يا مبدع وعسى الله يزين الاحوال

صح لسانك مدد اي والله

تقدري