بسم الله الرحمن الرحيم


السلام عليكم ورحمة الله وبركاته


انا الشاعر / جرمان بن بطيحان الشهراني (ابوشامه) و اتشرف بتواجدي هنا .

[poem=font="Simplified Arabic,7,white,bold,italic" bkcolor="transparent" bkimage="backgrounds/21.gif" border="ridge,10,orange" type=2 line=0 align=center use=sp num="0,black""]

يقول ابو شامه على البال بيتين = من واقع التجريب و عصارة افكار

من صارع الدنيا و خاض الميادين = لابد ياخذ درس من صفق الاقدار

و من ذاق من صلف الحياه الامرين = يصبح خبير(ن) عند توريد الاشوار

و طول المسافه للمجرب براهين = اليا انتهى مشوار يبدأ بمشوار

و انا بعد عديت سن الثلاثين = لابد ما اخَلد من الشعر تذكار

ابدي بشعري للرجال الميامين = اللي لهم هيبه و سطوه ومقدار

و إن كان شعري ما اعجب المستمعين = اصلب على راس القصيده بمخطار

اعلَم الجاهل و ابااذكَر ذهين = مثايل تصغي لها قلوب الاحرار

اليا بغيت العز.. فالعز. في الدين = في سنة محمد.. و في هدي الابرار

و اليا بغيت الذل.. و الموقف الشين = فالكذب.. و السرقه.. و في تركة الثار

و اليا بغيت الهم.. فالهم. في الدين = راع الديون يبات و يقوم محتار

و اليا بغيت الطيب.. و يقال نعمين = فإغاثة الملهوف ..و ايجارة الجار

و اليا بغيت تصير في مقلة العين = خلك حريص عند كتمان الاسرار

و اليا بغيت الطب.. فالطب. ثنتين = لا تشرب البارد.. و لا تاكل الحار


و دمتم[/poem]