السلام عليكم ورحمة الله وبركاته
أسعد الله اوقاتكم بكل خير
اعتذر عن الغيااااب واتمنى ان يشفع مانقدم ولو بشي البسيط وشكرا لكل من سأل عني في غيابي

على طارى المظاهرات

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

طول غيابك والوعد لي تعودي=تركتني للحزن وأخرت جيتك

هانت علي لوطحت في يد يهودي=أرحم من بعادك وهجرك وقسوتك

الحزن يجتاح الحنايا وفودي=من يوم غبتي شايلٍ هم غيبتك

عيني كريمه بالسهر لك تجودي=والدمع هتانٍ على شان سبتك

كانك نسيت اللي مضا من عهودي=أنا أتضاهر وأرفع اليوم صورتك

أقول عودي ثم وفي وعودي=ترا بصدري مابقا غير ديرتك

جودي علي بالوصل يابنت جودي=للحزن في وجهي تعابير قصتك

ضحيت لجلك والخلايق شهودي=حققت كل اللي تمناه رغبتك

صدق الغلا والشوق بيح سدودي=لولا الغلا ياهيه لتشوف طيحتك

سمحتلك تامر وتقطع حدودي=شفت الغلا وشلون مع شين فعلتك

عينك بعيني يوم بانت صدودي=ثم إستمع ويش قلت بهديك كلمتك

ماقلت ياحمد خل قلبك صمودي=كسرت ظهرك فالزمن ويش حيلتك

قلت البقاء لله محدٍ يسودي=أهم حاجه فالزمن بس راحتك

لا ياوجودي منك لا ياوجودي=أموت وأحيا ماتناسيت سيرتك

ويا وجد قلبي كل ماقلت عودي=كن القبر يقول ياهيه موتتك

العمر مره والزمن مايعودي=تكفا طلبتك لاتطول برحلتك

يما تجي عندي وقدرك يزودي=ولا تروح وتحفر القبر صدتك

وبكره لافات الفوت مالي وجودي=يمديك ذاك الوقت ثمنت طعنتك[/poem]

ودمتم سالمين