السلام عليكم ورحمة الله وبركاته


امل ان تنال أعجابكم

[poem=font="Simplified Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سرى الليل ياللي لك سنه كل مامريت=على خاطري صلف الهواجيس سراني
أشوفك وأنا في واقع الأمر عنك أبطيت=ياكم ليل طيفك من حلا النوم صحّاني
عليك ألله أكبر كل ما أصبحت والا أمسيت=وعليك ألله أكبر كل ماتشعل أحزاني
لك ألله لك الله لو ورى خافقي طليت=تشوف الجروح أشكال وأنواع وألوأني
تغانمت حبك لجل أبا أكسبك يابا الفيت=و أثرني كسبتك جرح يوم ألله أشقاني
تجريت تذبحني وأنا فيك ماسويت=سوى اللي ينومس سيرتي بين خلاني
تذوقت طعم الشري والصبر وألحلتيت=على يدك يوم الوقت فرحك وأبكاني
صوابك مكن فيني وخليتني وأقفيت=وأنا قد سمعتك قلت ماعاد تجفاني
وكبر جرحي اللي وش يداويه لو داويت=تشوفه على صدر الورق وانت تقراني
وهالحين شفني بين الأحياء وكني ميت=أكابر وأنا مذبوح من كل وجداني
جداي ألتنهد لا تذكرت وألا جيت=مكانً جمعني فيك في ماض الأزماني
وأقول أن لقيتك عقب هالبعد والتشتيت=أباخذ بثاري منك كان الله أحياني
وأباقول لك سويت بالحال كيت وكيت=وأباجرحك جرحً منه ماعاد تنساني
مع أني ألى مني على سيرتك رديت=تدفيت من ذكراك عن برد حرماني
ومع أنك الى منك على خاطري مريت=لك الشوق مع صلف الهواجيس سراني[/poem]