[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
امسيت تايه فكرواصبحت مهموم = احمل اهمومي مثل حمل الحديده
كلن رقد وانا جفت عيني النوم = شبت على قلبي هجوسه وقيده
بالشعر نسبح غبة البحر و نعوم = ونرهي على نظم البيوت الفرده
وين انت ياللي تسهر الليل وتقوم = بعطيك من فيض القرايح قصيده
تعال اخذ مني تفاصيل وعلوم = وصية لاهل العقول الرشيده
دنياك هذي كلها زيف واحلوم = تضحك لعاشقها وبكره تكيده
والعمر مايزداد والاجل محتوم = تمسي مابين اهلك وتصبح فقيده
تراك عايش في اثرعاد والروم = راحوا ودنين بيدتهم جديده
لاتصير للباطل مجند ومحكوم = لازم تحلا بالصفات الحميده
ترا طريق الحق واضح ومرسوم = وكلٍ تجيه ارسالته في بريده
تمسكوا بالدين والشرع ياقوم = ترا زمام الدين حسن العقيده
واللي يصلي الفرض ماينقض الصوم = والمستفيد اللي يزود رصيده
وراعي المعاصي دايم الدوم مهزوم = دايم خويه ينقصه ما يزيده
واللي عرض صحبتك للبيع والسوم = بيعه وتلقا لك بداله وليده
ترا ضياع الصقر لاعاش مع بوم = بعد ما كان يصيد كلا يصيده
واللي يبا يمشي بلاراي منجوم = يضيع لو انه مع الدرب سيده
اخترمن الاصحاب لا اخترت زيزوم = تقي وصاحب دين واريا سديده
واصبرو لاتظلم ولوكنت مظلوم = الله يمضي حكمته في عبيده
هذا وانا ماني من الذنب معصوم = اتوب من زلات ذنبي و اعيده
ياالله لاتجعلني من ارضاك محروم = ويا الله تكتب لي حياتن سعيده
حفظت لي شطرن يقولونه القوم = نفس الكلام اللي نقوله نعيده
[/poem]
(صقرالمعتاد)