[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
اصحابنا الي نقدرها ونغليها= تغيب عنا وتلزمنا ندورها

سلم الصداقه جبرنا مانخليها=وحنا على السلم نفقدها ونذكرها

حقوق الأصحاب تلزمنا ونوفيها= وبحقوقنا مانطالبها ونجبرها

اما طرينا عليها يوم نطريها= والا عسى الله يسترنا ويسترها

ان جات عقب البطا ربي محييها= حبال وصل الصداقه مانقصرها

نمدها والقطاعه ماندانيها= وبصدورنا زلت الأصحاب نقبرها

مشروهنا لاكتبها عاد يمحيها= والقلب عن بثها بالجوف شفرها

النفس لو تشتكي عن كل مافيها=خطرٍ على وجيهنا تفقد مقدرها

كم حاجةٍ ودنا ابها يوم نكنيها= نفوسنا ماتطيع انًا نصغرها

مادامها ماشيه نبى نمشيها= على حسب سيرها نبى نسايرها

لوكان نونس وتجزعنا مكاويها =على ستيرة عبادالله نقزرها

هذي نبى نشيلها وهذي نوطيها= على النقا لين نتركها ونهجرها

ايام راحت وباق ايام نقضيها= مادامها عابره نبى نعبرها[/poem]



.