منتديات المرقاب الأدبية - عرض مشاركة واحدة

#1 30-03-2011, 01:05 PM

[poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=1 line=0 align=center use=ex num="0,black""]
اطرق البيبان يا قافي وفك ابوابي = وافتح مع الباب للهاجوس كل الطاقه

والمعاني مشها بالسيف والمشعابي = لين تقطف لك من آورود الجزاله باقه

والمشاعر حكمها جاير ... وابيك آرهابي = لا تهاون في سلووم العشق والعشاقه

المحبه ما تخيبها ضنون الهابي = والوفاء قدام يومّ ... الجفاء بالساقه

والفرح لا ضاق ساق الحزن بالعلابي = لين حزن الوقت يلمع بالفرح براقه

هذي الدنيا على ما قيل يـ / الاصحابي = جار وقت الهيلكبتر في زمان الناقه

آختلافات المذاهب ما تغر آحبابي = لو يفوق الوقت شره خير وقتي فاقه

والسماء لونه من اهوال الزمن عنابي = يستر الله لا تحول من فعول العاقه

لا بيسين العقل راحوا يلبسون الكابي = والثياب البيض وسط البيت بالعلاقه

انعراب اليعربيي ويعررب الآعرابي = في زمان العولمه كثر الحنين شفاقه[/poem]

.

.

اقبلوووها كما هي جديده

.

.

وسلامة قلوبكم