[poem=font="Simplified Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كم لي وانا ما نمت من دون تفكير =فـ / الرايح من العمر .. وجروح الأحباب؟!

شايف وساكت ، وآتمنّى ولا يصير ..=حتى رميت الحلم من روس الاهداب !

لا ردته كفّي ، ولا يقدر يطير ..=طاح .. ومشى فوقه تباريح وعتاب !

واقفيت مثل اللي مواعد له بـ / خير ..=كل يوم يسأل ساعي الوقت وش جاب ؟!

شباب ، وآفراحه بـ / كفّ المقادير ..=من كثر ما علّق عليها الأمل .. شاب !!

من يوم خان الصبح .. قلب النواوير=وانا فـ / وجه الحلم .. قفّلت الأبواب !

ما عاد باقي سرّ ، ويضمّه البير ..=من يوم صار الصدر .. صفحة من كتاب !

كل من عبر قرأ وقلّبه ، من غير ..=لا يقطع الصفحه ، ولا يجير مرتاب !

ولاّ الندم باقي على حالته .. مير=ما عاد به أصبع ندم .. يجرحه ناب !

حزني ظهر في وجه حرفي وانا صغير ..=وشابت مفارق جملتي .. ما بعد غاب !

بين إني اسجن فيه ، او منّه آطير ..=يا فرحة الشامت .. ويا حزن الأصحاب !

ما اذكر سوى صدقي مع الناس .. تقصير ..=من يوم طاب العيش فـ / عيون كذاب !

لكن على الله .. والحكي فـ / المدابير ..=علقم ، ولكنّه على شفاهنا ذاب !

الناس لو تقدر من همومها تطير ..=كان امتلى صدر السماوات بـ / اسراب ![/poem]