في هذه الليلة الاثنين الموافق 26/5/1423هـ احتضنت قاعة السلام بالطائف أربعة شعراء أحيوا هذه الليلة وأبدعوا ( مستور ، حبيب ، سعيد بن رحمة المرّي ، متعب بن كرّوز المرّي )

وإليكم هذه المحاورة لعلها تحوز على رضاكم واستحسانكم : ـ


حبيب
سلامي سلاماً واضحات معانيه ** من الهاجس اللي ما تغيّر نظامه
ولا يالعصيمي قوم والعلم توحيه ** ترى الرجل تعرف نيته من كلامه

مستور
هلا مرحبا واللافي الله يحييه *** بحفل الرجال اهل الوفا والشهامة
ليا كان عندك علم ذلحين عطنيه ** وصاحبك فالماقف قوية عظامه

حبيب
أنا سامعاً لي علم وأوحيك تطريه ** سمعتك تدوّر لك جمل في تهامة
يجيك الخبر واللي تجيبه توديه ** يا راعي الرصاص اللي جويد ٍ حزامه

مستور
وابشركم اني في ضحى اليوم لاقيه ** وذلحين لازم في يديّه خطامه
تحسبه غدا مني وانا في حراويه ** مربّع على الساحل ومايل سنامه

حبيب
هذاه الجمل مشبوه من حظ راعيه ** يشيل الشداد ولا يشيل المسامة
يقولون باقي خلبةٍ بين اذانيه *** ومستور ليه ايقول هذي علامة

مستور
ليا شاف زول العازمي ما يدانيه ** وانا اعرف حلال الشيّ واعرف حرامه
أبعطيه علماً زيـــــــــن والله يهديه ** ويحسب حسابه لا تقوم القيامة

حبيب
يا طيب العصيمي مير رايه غلط فيه ** يبا يركب العتبان فوق النعامة
ليا طال نوم الرجل تكثر هذاريه ** ومستور كنّه في نــهار القيامة

مستور
يا طيب العصيمي دام رايه مكفّيه *** تباها سلامة مير ما من سلامة
ترى ما يغرّ الطيّب الا هقاويــــه ** يحط الرسالة في جناح الحمامة

حبيب
تحفّظ برايك لين حتى نقول ايه ** وكم واحداً ياقف بريع الندامة
ضعيف البصيرة لوّ راسه يدربيه ** ليا طـــــالت الأيام قلّ احترامه

مستور
أعلّمك عن حاضر زماني وماضيه *** أنا عشت قبل امك تحط اللثامة
ترى المر مر ولو بسكر نحلّيه ** على الكبـــد ما يطمن ومراً طعامه

وإذَا كانَتِ النُّفـُـوسُ كِبَارًا @ @ تَعِبَتْ فِي مُرَادِهَا الأجْسَــامُ