[poem=font="Simplified Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين الحضيض اللي من الضيق معتوق = ما جر في وقت العصير الطويله.!
يسرح مع اهل الغي مع سرحت النوق = ويرجع وهو مبسوط ما انهد حيله.!
ما شاف له صدر من الضيق مخنوق = ما عاد باقي غير ينفض شليله .!
يتبع طريق بروق ويخايل بروق = ولا فيه برقٍ واضحٍ ينتمي له.!
حلو الكرى له عام ما عانق الموق = بينه وبينه ثار حرب وقبيله..!
يغزي وهو مشقوق ويعود مشقوق = وان قلت وش به قال نونك يبي له..!
مدري ولكن قمة الطيب والذوق = اعيشها في كل براق اخيله..!
وعلى رغم مافي جنوبي من افتوق = اشيل حملٍ يعجز اللاش شيله.!
لو أن انا مخلوق مثل اي مخلوق = والفرق في كبر العقول الدليله.!
على كثر ما شفت لاحق وملحوق = ما شفت أذل من اليمين الذليله.!
وعلى كثر ما شفت طارق ومطروق = ماشفت أقل من اليمين البخيله.!
وعلى كثر ما شفت عاشق ومعشوق = ما شفت عشق يفوق عشق الفضيله .!
[/poem]
|