ياهاجسي لامن طلبتك قولي هـل مـن مزيـد

اصعد منابر سامي الشعر النقي وخطـب بهـا

شاعر (ا)هجوسي فالمواقف تقصي القاف العنيد

اتعب على جزل المعاني واقتطف مـن لبهـا

شعري لـمدح اهل الوفا والمرجله ياتي وليـد

وانا بحور الشعر بانواع الطروق العـب بهـا

واليوم حَفيـد الملـك عبـدالله ونعـم الحفيـد

جددت دعمـك للعـوادي مـن زيـادة حبهـا

باسم الوطن ترفع فروسية وطنـا مـن جديـد

حتى غدت كل الصحف من قوها تكتـب بهـا

دعمك سخي وانته سخي تبحث عن الشي المفيد

ماهوب مثل اللي يمـد المـده وينصـب بهـا

ماهي غريبه وانت جدك جعل عمره في مزيـد

كريم .. خيرات الوطن في يدين شعبه صبهـا

بعد القريّب عاش في خيره رغد عـم البعيـد

من جود ربي مال جوده حسبت ٍ يحسب بهـا

خادم بيـوت الله وقهّـار الاعـادي والضديـد

والنصر من ربي ولا به وقعـت ٍ يغلـب بهـا

فينا بشرع الله حكم فينا .. وبالـراي الرشيـد

وسياسته بين الامم صار المثل يضـرب بهـا

اي والله انا نفرح بشوفه وشوفـه يـوم عيـد

وتفرح شعوب ٍ ترفع (ا)يديها وتطلـب ربهـا

امين قولوا ياعسى عمرك يابو متعـب مديـد

واميـن قولـوا ربنـا دعواتنـا لـك لبـهـا