|
قــــالــت عـــيـــونــــك .... !!
السلام عليكم ورحمة الله وبركاته
بويتات للتواصل عسا تنال رضاكم
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يا بيت مريتك ولي حاجةٍ فيك = لولا سلوم العرب .. كفي سرقها
امرّ شارعك وفتر بحواريك = عل المشاعر تحمل ما لحقها
آغبط من هو على بابك يوازيك = وكل الدروب الطويله ما طرقها
من بينكم خطوتين ٍ من خطاويك = ما يتعب الساق فيه ولا زهقها
ما هو بـ // انا كل ما حلت طواريك = رجلي على الدايري يندى عرقها
اجيك واحمل من اشواقي ما يرضيك = وانثر على الباب من ريحة عبقها
حافظك في قلبي وحافظ مواريك = لو البيوت تشابه في نسقها
كله على شان من خلتني اغليك = بنتٍ وسبحان خلاقٍ خلقها
بَنَت على خافقي شروى مبانيك = ونالت من الخافق اشيا تستحقها
رعبوبةٍ تسلب عقول المماليك = وتلغي حضور الغنادير بشنقها
خذت شعور وحواس اللي يحاكيك = ونادت على قلبي وقلبي عشقها
وانا ليا ضاق صدري جيت ناصيك = انادي بنبرةٍ دمعي سبقها !!
يالغايبه .. راعي عيونٍ تراعيك = عمر السهر في غيابك ما عتقها
تسهر مع طيوفك وماضي لياليك = وتفتح دروبٍ قبل عقلي غلقها !!
يوم ان وصلك مثل شبكة اياديك = وقربك طرد صورة الفرقا وفهقها
قبل تموت الهقاوي مع امانيك = تحت يدين الزمان اللي خنقها
واليوم جابتك في دربي خطاويك = وجروحي المبطيه شوفك فتقها
قالت عيونك كلامٍ في محانيك = لكن لسانك تكبر ما نطقها !!
[/poem]
وسلامتكم
أيامنـا وان جمّلوهـا .. تعاجيـب !! = يقولهـا .. مـن فالحقيقـه بصرهـا
تـدور فينـا مثـل دور الدوالـيـب = ويا كثـر مـا وردت علينـا سيّرهـا
سود الليالي تصبغ الـراس بالشيـب = وبيض الليالي تطعمك من ثمرهـا !!
al_sh3er@live.com
ديــــوانــــي
|