[poem=font="Simplified Arabic,6,black,normal,italic" bkcolor="transparent" bkimage="" border="double,4,black" type=2 line=0 align=center use=ex num="0,black""]

يقولون شل الصوت شله على الطاروق=ترى الناس تعشق شلت لحونه إعشاقه
وأنا قول خل الصوت وإحكم على المنطوق=وفرق مابين جلال الابيات ودقاقه
إذاكان مايوحيه قبل إذنك المعلوق=ولاهوب دم وقلب ونبضات خفاقه
تريح ترى منت بلاسابق ولامسبوق=وترى ماعلى وارد هل الهزله لحاقه
مفاد الحكي عن ساقط الحكي خلك فوق=وإخذ من شوارد ندر سمانها باقه
تشابك بها زملوق يزها معه زملوق=من أغلا الحرير الحر توج بها طاقه
تشوف الخلايق بين مبدا وعرف وذوق=حدن يسرج خيوله وأحد يشعب نياقه
تشابه مساريها لكن فالطروق فروق=وكل على همه تحفوا قدم ساقه
مابين الرجا والياس تمرح كفوف العوق=ومن قام حظه دوم مايشكي العاقه
يدن وكلت بحلوق وأخرى ترد حقوق=وبه يد من خلف الكواليس سراقه
وراس عليه العز خيل رعد وبروق=رفيفه من المنشا يقوده ويستاقه
عليه الله أكبر كان حول عن الشاهوق=ومع بشكة اللاهين طاوع بدناقه
يولي ويسمع شطر من قبلنا موثوق=عن المرء لاتسأل وسل منهم رفاقه
قريت وسمعت وشفت وسقت الركايب سوق=على سكة المعروف مرهي ولي طاقه
وإذا غبت ماشاورت في غيبتي مطفوق=ولا أجهل من المنطوق ياكود لصماقه
معي حربة توجع ورمح يسد حلوق=وشلف على سود المعاليق زراقه
وألاحي حمام الورق لأوًمت هبوب الشوق=غصون الخفوق ولعثمت يانع أوراقه
وأردد على مسمع زماني أنا مخلوق=أعاف الجفا وآموت ماتبع لحد ساقه
ولو إن للوفا لذة مصابح حليب النوق=تبقا طراة الشي إذا جا على فاقه[/poem]