|
وداع ومفارق
قصيده متواضعه في الفقيد الغالي
غالب ماطر السليس اللذي وافته المنيه بسبب مرض السرطان
اسال الله ان يغفر له ويرحمه
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله يحسن عزاي ويجبر مصابي = فاللي قبل مايموت بيوم ودعته
فالليل جيته ورحبي وهلابي = والصبح شلته علي متنى وشيعته
اقفت ركابه وبكره تقفي ركابي = والعبد يولم لموته دايم امتعته
يارب تجعل وفاتي وسط محرابي = وتدلنى للطريق ان كان ضيعته
ويارب تغفر لغالب كل ماغابي = عن عين غيرك وعينك بس واسعته
ارثيه ودموع عيني تجرح اهدابي = واليا عصا القاف في معناي طوعته
ابتاع وقتى ولد عمي ومشعابي = شراه منى مليك الموت مابعته
ياكم وياكم دحم عكفان الاشنابي= بالمنكب اللي سهوم الوقت موجعته
يوم اذكر انه ورايه ما احسب حسابي = ادري لياطحت سبعني وسبعته
حضرت له يوم فلع روس الاجنابي = فالوقفه اللى ضعيف الناع روعته
ماذل من كثرة اخصامه ولاماهابي = شوفة عيونى ماهوب الاذن سامعته
من روس قوم ٍ لياجا حزم كلابي = كم اقنعوا واحد ٍ دنياه ما اقنعته
[/poem]
خلص كل الكلام ولابقي غير السكوت شعور=بعد مات الامل في وصلنا ماتت مشاعرنا
دخيلك لاتخلينا نبوح ونكشف المستور=تري بعض الشعور يبين حتى في مكابرنا
|