على أخير ثلث الليل يالخاطـر المكسـور
ودمعـة يتـيـم كــل ماجات/مأجلـهـا
سريت اتهجاء ذكرياتـي حـزن وسـرور
وانـا ذكرياتـي تفخـر بسيـرة أهلـهـا
مشيت ومعي خنجر وانا دمـي المهـدور
وتعثـرت ماشفـت الـديـار ومنازلـهـا
وو قفت وعزاي الصبر ياعظمي المجبـور
قدم رجلي أخطـار الطريـق ..اتجاهلهـا
لو انـي بعوّلهـا علـى عتمـه الديجـور
طلع لي شـروق الصبـح قبـل اتحصلهـا
صباح السحاب لوجهي الطايش المغـرور
وصباح امتداد الشمـس لـلأرض بأكملهـا
صباح"ن" نشر لي في زوايا الظلام النـور
بعد هلـت الغيمـه علـى الأرض وابلهـا
وقفت أتأمـل فالطبيعـه شجـر وزهـور
وانـا مابوسعـي غيـر آقـف واتأملـهـا
ياظل الشجر ماعـاد يزعجنـي العصفـور
يغني معـي ضيقـة زمانـي مـن اولهـا
دخلت المكان اللي عشقته شعـر وشعـور
أحبه كثر...؟؟/مدري!! عجـزت أتخيلهـا
قريته وانا اشوفـه ملامـح بشر/وسطـور
اذا كـل خطـوه فـيـه ابـرمـج واحللها
هنا كنت ألـون زاويـه بيتـي المهجـور
وهنا لوحة"ن" طاحت وانـا كنـت أشكلهـا
وهنا بشت ابوي وسيف ابو جعفرالمنصور
وهنـا سيـره الامجـاد والوقـت سجلهـا
وهنا طاحت رساله على الأرض 5شهـور
وانا توي أرفعهـا عـن الأرض وأرسلهـا
وهنا عقد لؤلؤ لـه حوالـي سنـه منثـور
والأشبـاح تبغـى تجمعـه بيـن اناملهـا
وانا أدرى عليه ان الزمن يكشف المستـور
مـادام ان الأرض تزلـزلـه مايزلزلـهـا
وهنا فالجـدار المعتبـر بصمـه المقهـور
وانـا احـاول أخفيـهـا بكـفـي واظللها
وهناك أبعد /الأشياء/ قلبي وصلـه الـدور
وانـا أصـد عنـه أخـاف يأتـي يكملهـا
أعرفه " ضعيف " وكل حلمه/لبن عصفور!!
لذلـك تركتـه قلـت مخـدوم وازهلـهـا
يضيق النفس واللقمة أكبر مـن الحنجـور
ماعاد اقدر اخرجها ماعـاد اقـدر ادخلهـا
وتعلمت كيف القبر ضايـق مـن المقبـور
بعد شفت لـي جثـه علـى كـف قاتلهـا
وعرفت ان وقتي لا مجمّـل ولا مشكـور
ولكن يالبى ذكرياتـي ومـا اجملهـا !!!!!
فديتك ياقصراً في عيونـي فدتـك قصـور
علـى شانـك اجحـد ضيقتـي وأتحملهـا