الزواج عند السعوديين
يتجه الأب الى ابنه المحكوم عليه ويقول له هذه العباره ( سند تراني كلمة عمك الأسبوع الجاي يوم الخميس نبي نملك لك على شيخه )
الأبن / ابوي هذي بنت عمي ونا والله اشوفها زي اختي لكن مالي فيها .
الأب / وش تبى ياخضير .....( هذا عمك سعد يوم جات علانا الهيه وحنا قاطنين على بير مرويه مارد الرياجيل عنا الا هو عزالله ونا ابوك انك حاطها في الدسم المنسب الزين ..ارب الله يجيك منها بعيال مثله )
الأبن / ابوي طيب
الأب / اقول اعقب بس
سعد / يا أم جهز هاك التفتر ( سجل الملاك ) خلي البنت تقيد فيها اسمها وتوقع
الأم / ابشر يبو جهز ........ شيخه هاك ونا امك قيدي اسمك
الفتاه / يامه والله ماباه
الأم / وقعي وقعي العرب لايوحونا تراهم في الغرفه الي وزاننا
الفتاه / يامه تكفين الله يخليك
الأم / عقبي ونا اياه
الفتاه / طيب
وتم الزواج وانجب سند من شيخه خمس ابناء ذكور جميعهم اخذوا مسلك جدهم من امهم سعد
وبعد فتره من السنين قام احد ابناء سند الذي يحمل شهاده سادسه ليلي بضرب ابن جاره بمفتاح العجل
سند / ابوي عان ولدي في التوقيف رح علق معدال على الرياجيل ..
الأب / علامه
سند / علامه ..... هذه المنسب الي ضويته الي
امحق طقوس وامحق وجيه
، عساني والله اقعد عزوبي ولا ادخل بمتاهات فيران
ووسوم "وفناقر وعصي"
سنجار أتوقع المنتديات الافريقية تنسخ الطقوس اللي ذكرتها
ويضحكون علينا، عاد تلقى فيهم افريقي عبيط يكتب / الحمدلله ان ماني "عتيبي" ههههههههه
لاهنت يابو ناصر
<- الورد هذا حظه اقشر من يوم تولجناه في ردودنا