منتديات المرقاب الأدبية - عرض مشاركة واحدة - المغتره السياسيـّه .. الأولى [ حسني مبارك × زين العابدين بن علي ]

26-04-2011, 01:35 AM

\
/

آخر ما توصـّل له الطرفين : )

زين العابدين /

يابو جمال أخطيت الاسنآآآع ماجيت
لــيــت مـعـلــق مــثــل أخــــوك الـعــوانــي
وانتـه بعـد قـضـوا عـلـى راســك البـيـت
فــضــوا لــــك الاجــــواد غــرفــة وزانـــــي

حسني مبارك /

لابالله الا جيت ومطفي الليت
اباك من شهرين يابا الحصاني
وشلون اجي جنبك وانا ذايع الصيت
اموت من غبني ولا اترك مكاني

زين العابدين /

آآثرك تدورني ليالي يا ابا الفيت
وانا احسب انك واحدٍ من خواني
الخاتمة فالمحكمة ويش سويت
اخاف يصلخ جلدك الخيزراني

حسني مبارك /

من بعد جبت العيد بدري وذليت
وانا وراك مع الشعب والزماني
وقفت ميقاف الرجال النعاتيت
مارحت أردد ياعرب من يباني ؟

زين العابدين /

جاء فالامر خدعة بخطة وتوقيت
وانته لحقت وجاي معك اليماني
وقتٍ مضى صلعتك تدنس من الزيت
واليوم جاء غير المعاني معاني

حسني مبارك /

حتى لو انك بالسوالف تحليت
يازين منت بزين شين وجباني
وقتٍ مضى حاربت الاسلام وافنيت
واليوم فأطهر قاع يالقلباني !!

زين العابدين /

يابـن علـي ليـتـك بنفـسـك تعالـيـت
مافـي عيـال البـيـة قـضـاي شـأنـي
لو افتش اوراقك من اللعب هجيت
أذكـرك مفطـر فـي نهـار رمضـانـي

حسني مبارك /

على فعولي تندفن ماتجريت
خلك كذيا من طمان لطماني
مع الشعب ليتك جلست وتربيت
حتى تقدر هرجي ورفع شأني

زين العابدين /

حتى لو انك في مبارك تعزويت
فالعشر والله ماتسد الثماني
بعد تولوك الشباب السرابيت
الظاهر انه صاب عقلك جناني

حسني مبارك /

ياليتني ياليتني ماتنحيت
والا زبنت معربين المجاني
وللي يقول انت رخمه ؟ ماتوحيت
عان الرخوم بخير وامنٍ واماني

/
\