السلام عليكم ورحمة الله وبركاته
بدون مقدمات للتواصل

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا طول بالي يـ .. البحور القصيره = و يا كبر كلماتي و يا ضيق الأبيات
سمعت لي من كل هرّاج سيره = فـ .. العالم الصوتي تقبلّت الأصوات
الصمت حد بلاد و الهرج ديره = و من ضيّع حدوده خسر له مساحات !
ولو العقول اللي تفكر كثيره = ما صار لـ .. أصحاب العقول أمتيازات
و الخاطر اللي كل موقف يثيره = يجوز لي فـ .. أوقات ، و آعافه أوقات
تردده ما رد بثّه ، و أثيره = ينقل ، ولو قْلّت عليه المحطات
بينه و بين الحزن رفقه و جيره = متساميه من تحت سبع السموات
فيّ الزمن مره ، و مره هجيره = ولا ظلّله ألا ظلال القناعات
لو شرهته فـ .. اللي يوده كبيره = ما رافق أحلامه ، ولا واقعه مات
من بينهن ما عاد يعرف مصيره =إذا ملك له حلم قال الزمن / هات
خاطر ويشبه له خواطر كسيره = أقساهن اللي لا زعل يجلد الذات
و ذاتي جلدته فـ .. الشهور الأخيره =أكثر من اللي قبلها عشر مرات
و الحزن عايَشته بـ .. نفس الوتيره = لا أزعل من الحاضر ولا أرجع لما فات !
أصير في يومي مثل ما يصيره =ولا همني لو ينقص ( لـ .. عشر ساعات )
كم حاجةٍ راحت و أنا أقول خيّره = لا خيرها جاني ولا حاجتي جـات [/poem]


...