[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
تجهز و انطلق و أثبت وجودك وأهجر الخذلان=تخلَّص من حواجز ضعفك الكاذب ودمرها
على نار الطموح اشرب من دلال الأمل فنجان=ومن هيل التحدي .. قِمْ.. وعود العزم بَهِّرها
أبيك تفصّل بنفسك ثياب الصبر والإيمان=وحاذر من (مقص الياس) حاذر لا يقَصّرها
أنا ما أبيك تحبس نفسك بنفسك ورى الجدران=و باسم (إنك معاق) تحطِّم أحلامك و تهجرها [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]


إذا عجزك (عمى) كوّن من أسماعك صور وألوان=ترى نور البصيره ظلمة الدنيا ينوّرها
و إذا عجزك(شلل) فالروح ما تنشل عند إنسان=تَحَرَّك.. سافر بفكرك و لفّ الأرض و اعبرها
وإذا عجزك (بَكَم) خَطّك لسانك... والعيون أحيان=هي أبلغ حرف يحكي عن أحاسيسك وينشرها
وإذا عجزك (صمم)سمعك كتابك... والفؤاد أحيان=يسَمّعك الحقيقه قبل ما غيرك يصوّرها [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
لا تَبْني في خيالك سجن فيه المجتمع سَجَّان=و تجلس خلف قضبانه دموع الضعف تنثرها
و لا تحزن إذا ما انفض عنك الأهل و الخِلان=ما دام الله معك عينك بشوف السعد بَشّرها
أنا ما أبيك يوم تقول أنا عاجز و لا لي شان=و لا أبغيّك تزجر ذاتك بعجزك و تأسرها
أبيّك أقوى و أصلب من جنود الضعف و الشيطان=تِقَوِّي نفسك بنفسك على العجز و تِصبّرها
تحرّر من قيودك ما نبي (لخيل الطموح) عنان=و زيّن صفحة التاريخ بأمجادك و سطّرها [/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]


و عمِّر لك سفينه و أنت لهْ يا صاحبي ربان=و بسم الله تشق أمواج حزنك به و تَكْسِرها
أبد ما هو معاق اللي تحدى العجز مهماً كان=إذا بالله تحدى إعاقته لابد يقهرها
أبد ما هو معاق اللي يحاول يفتح البيبان=و يكْسر قيد عجزه لجلْ ما روحه يحرِّرها
تأكد إن لا الوحده /و لا الغربه /و لا الخذلان=تِعَكِّر صفو روحٍ دوم ذكر الله يعطّرها
ما دام اليأس ما يعرف لقلبك صاحبي عنوان=(حدود الصعب) بالله ثم بالتصميم تعبرها [/poem]