رح في أمان الولي ماني بـ قايل : تعال
نفسي عزيزه ولا اذكر يوم وطّيتها

ودعتك الله .. وجرحك في الحشا لايزال
بعض الجروح لـ غلا الجارح مـ/داويتها

لا تحسب ان الوصل في كثرة الإتصال
لو أنها هكذا ماكان سوّيتها .!

من كثر ماكنت احبك كنت مضرب مثال
لـ اهل الهوى يخرب الله بـ الجفا بيتها

واليوم صار الوصل والحب صعب المنال
علاقتي مع علاقة قلبك انهيتها .!

ماعاد بيني وبينك لـ التواصل مجال
شمعة غلانا من اسبوعين طفّيتها

سألت قلبي ، وجاوبني بنفس السؤال :
علام رجلك على اللوعات عنّيتها .؟

كنت احسب ان الغلا ثابت ثبوت الجبال
إلين بـ يدك جسور الحب هدّيتها .!