يازمان الغطرسه واخـر فضـول ايامي
.................وش بقي وانا اطرد القمراء على رجلينـي
استحث الصبر من عزمي ونـور الهامـي
....................لا ولاكـل الـدروب السالكـه ترضينـي
ياكثـر ماغنـت الغربـه علـى درهامـي
...................في زمانن مانذوق الزيـن قبـل الشينـي
كم سريت وكم سرحت وكم كربت احزامي
..............وكم خذيت وكم عطت شهب السنين ايدني
ياسراب الوقت ماترحـم عيـون الظامـي
.................يوم طاحت فوق صدرك دمعـة المسكينـي
طاحت العبره من الوقت الحزيـن الدامـي
...................وانتفض قلبي وهـز اعيونـي الثنتينـي
يازمان العولمـه مـدر الزمـان النامـي
..................كل شي ن فيـك مايسـوى ولا قرشينـي
كل شي ن في عيوني طاح تحت اقدامـي
..................مستحيل اصدق اوهامـي واكـذب عينـي
اتخيـل وش حصاداليـوم قبـل العامـي
....................والله انه لايحـط امصيبتـي فـي دينـي
كم عرفت من الوجيه وكم بنيـت احلامـي
..................وكم شربت المر من كف ن تبـا تعطينـي
اااه ياكثـر الوجيـه اللـي تقـف قدامـي
.....................وااااه ياقل الوجيـه اللـي تبـى تبكينـي
سامح الله هقوتـي والله يلـوم اوهامـي
................ماجرحني غير حد ن من شبـاء سكينـي
لوغرست الناب من كثـر النـدم فبهامـي
................مانصفني من خطاء عقلي علـى تكوينـي
احسبـن الساميـات ينومسـن السامـي
............لين شفت الذيب يرضع من ديوس احصيني
يازمان الغطرسـه واخـر حـدود ايامـي
...................الله انـه لايحـط امصيبتـي فـي دينـي
|