[poem=font="Simplified Arabic,6,black,bold,normal" bkcolor="red" bkimage="" border="inset,8,black" type=2 line=0 align=center use=ex num="0,black""]
اعتقالي يزيد العمر عمر ٍ جديد=و اتشرّف بسجني و العزا للاسود

لو تِكبّل يديني بالصفد و الحديد=البقا في شموخي و الفخر للقيود

لنّ من سجنتي به عالم ٍ تستفيد=غرّدي يا بلابل و انتشي يا ورود

وْعيّدوا يا عِدانا دام جا يوم عيد=الفرص ما تكرر و الفرص ما تعود

دام حبري يسيل و دام خطي فريد=و الله اني لاسج الفكر مع كل نود

وْدام للراس تاج و دام عرشي مجيد=ما يطاول مقامي كل قلب ٍ حقود

مير يا صاحبـَيّ السجن عندي قصيد=بين قبس البروق و بين دن الرعود

وصّلوها عظيم الروم وسط الصعيد=و اخبروه ان كسرى علةٍ للكبود

ما يفل الحديد الا الحديد الجويد=و النجوم المطلّه فوق راسه شهود

و الاصايل لها مركاض مع كل بيد=صبّحت قوم عاد و صبّحت قوم هود

ما احترينا فزوع و لا انتظرنا مديد=وْلا بعثنا وساطه مع كبار الوفود

يا حياة الكرامه يا ممات الشهيد=الاكيد ابا اجاهد و ابذل اقصى الجهود[/poem]