[poem=font="Simplified Arabic,6,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يغيب سدآح , وتغيب المشاريع = متى عساه يعود , بكره , تبيعه
له كم شهر ماعاد يكتب مواضيع = مدري غيابه شغل , ولا ذريعه
ياما إنتظرنا له , حضور وتواقيع = في صفحة الإبداع , ينثر بديعه
مُعجم شعر , تلتف حوله مجاميع = أعلام , من كل البلاد الوسيعه
يروي فكر , من سيل ماهو تناقيع = عذب المعاني جلَها , من صنيعه
ويقطف زهر , من روضةٍ في طرف ريع = سالت من الوسمي , على أول ربيعه
تِقبل عليه أحلى القوافي , مفاريع = من وين ما يأمر عليها , تطيعه
بصدورها طلع الزبيدي , مصاليع = ما تحتمل منه الجفاء , والقطيعه
إما يلاعبها بحشمه , وتدليع = ولاَ يسلّمها لغيره , وديعه
يا منتدى المرقاب , طق الأصابيع = رح وإجمعه , حتى يجينا جميعه
وإحسب حسابك , لا تجفّ الينابيع = تصبح مناهلها , سرابٍ بقيعه
ينصاك حطاب الخشب , بالفواريع = يؤذيك , والحطاب ماله شريعه
وإقبل عِتابي , يابعيــد المراميــع = (سداح) رمزك , والمكانه رفيعه[/poem]