تدرون ليه اسهـر تـرا مـا فالسهـر غيـر العـذاب
.............بس السهر لـه سـر فـى نفسـي ويقـراه اللبيـب
صحيح احبه من قديم الوقـت وارخـص لـه جنـاب
............لانه يسولف لى واسولـف لـه وسـدى فـى قليـب
لاضقت ياخذنى سعـه واحـلام مـن فـوق السحـاب
............وارتاح من وجه الضجيـج العفـن والوجـه الكئيـب
وليا ضحـك وجـه السكـون وبانـت الغـر العـذاب
............اللـي تـلالا فـي ظـلام الليـل والكـون الرهـيـب
في ساعة(ن) فيها المشاعـر ينجلـي عنهـا الضبـاب
.............تبـدع بوصـف احساسهـا مافوقهـا الا الله رقـيـب
امشى على نـور الخيـال الخصـب واومـي للغيـاب
.............اللي تجيني مـن جبـل واللـي تجينـي مـن شعيـب
وليـا تعـاون الهجـوس المظرمـه عـوى الذيـاب
................احس في نفسـي مثـل ماحـس ابـن وائـل كليـب
شبيـت نـار المعرفـه واخـذت مـن جــزل الاداب
...............شي(ن) ينومسنـي بعيـن اقصـى القبايـل والقريـب
ارقابـه المرقـاب واحــط المـراكـى والـزهـاب
.................وأومي لعراف الرجـال اللـي لهـا الـراي الصليـب
ياحبنـي لهـل الوفـا يـاكـره عيـنـي للـسـراب
................يابغـض قلبـي للوجيـه اللـي علـى النمـه هذيـب