:


السلام عليكمـ / وصباح الورد يابو محمد ,
إقتحام مسلّح بدون أي أذن , ولاني مقدم له عذر : ) , لأني ما أعتبره الا متصفح لي !

+ فرصه أدوّن الإعجاب هنا :


[ALIGN=CENTER][TABLETEXT="width:40%;background-color:black;border:3px double burlywood;"][CELL="filter:;"][ALIGN=center]:[/ALIGN][ALIGN=center]

[poem=font="Traditional Arabic,6,burlywood,bold,normal" bkcolor="black" bkimage="" border="none,4,darkred" type=2 line=1 align=center use=sp num="0,black""]
ياصاحبي عفّاس .. ياطيّب الراس = صحّيت جرح ٍ : غارق ٍ في سباته
صحيته .. ودقيت له كل الاجراس = وإنا آحسب إن الله .. رزقني وفاته
وضّا , ما بين ضلوع صدري وأنا هآس = وصلّى الفروض الفايته .. مع صلاته
قعدت أحسّب واضرب اخماس باسداس = عزي لمن هو : فايت الفوت فاته
وأنا الغريب اللي قطع دربه : اليأس = ورجع بدون .. أي أمنيه في أمنياته
ماهوب حي ٍ .. تختلج فيه الأنفاس = ولا الله كتب له راحته / في مماته
العام .. ما كني مثل ساير الناس = ولا أعترف بالكون , وأربع جهاته
فضاي كله من ذهب وأرضي ألماس = وما فاتني .. ما ألدّ له بالتفاته !
واليوم ماحولي يابو محمد أوناس = الوقت دايرة ٍ .. عليّه رحاته
على الذي .. خلا المعاليق يبّاس = اقفى بـ ( قلبي ) : ضمن مسلتزماته
ما أقول طاعنّي مثل طعن جساس = لأن الغدر ماهو صفه من صفاته
ورجعت .. مالي منه ياكود الإفلاس = و ( سنينه الجآيآت ) .. مستقبلاته !
كن الظروف تقول مع كل نسناس : = حب ٍ مضى : عطاك باقي حياته
وراعي الهوى ينقاد مع كل هوجاس = ويبطي ما يضفي فوق جرحه عباته
ومشاعري ماهيب حبر ٍ بـ ( قرطاس ) = ولا كلام ٍ .. بين ودّه وهاته
لاوالله الا : صادق شعور وإحساس = ماهوب شعر اليوم .. ومهاتراته
وشعر الغزل لاصار ماهو على ساس = ماهوب من ذاتي , ولا كنت ذاته
بالمختصر : قفلت بابه ياعفّاس = ولا عاد باقي لي سوى ذكرياته ![/poem]

,[/ALIGN][/CELL][/TABLETEXT][/ALIGN]


,