السلام عليكم ورحمة الله وبركاته



سبق أن كتبت عدة قصائد في هذا القسم ولم يحالفني الحظ إلا في واحده وهي بعنوان : (عساسة الأفكار) .



والآن أقدم لكم هذه القصيدة وكلي آمل في أن آراها كما رآيت (عساسة الأفكار) :-




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ماتدري اني من سبايبك عانيت=نار الفراق ونار ذكرى خيالك
سلكت درب الحب حتّى تعدّيت=النقطه اللي من وصلها تهالك
نقطة غرامٍ حيّها يشبه الميت=ماها هماج وصبحها ليل حالك
مادري نسيت العهد والاّ تناسيت=والاّ وش اللي في زمانك جرالك؟
العام تاصلني وذا الحين جافيت=وشلون تجفى اللي زهمته وجالك
لو كان يعرف نيّتك يوم ناديت=ماجاك مع درب المحبّين سالك
واليوم مادامك بلا عذر صدّيت=أدفع ثمن غلطتك من حرّ مالك
كانك تخيّلني من اصحاب ياليت=الواقع المشهود يمحى خيالك
ياللي بميزات الشراسه تسمّيت=انت العنيد الشرس وانا كذلك
كان القضيّه بالتحدّي تحدّيت=ماينفعك ضغطك وزود انفعالك
اللي كسبته: في صدودك تماديت=عن صاحبٍ من طيب قلبه صفالك[/poem]