علمتني وشلون اعاني مع الشوق
جا الصبر ينسيني عناي ونساني
مدري مبره يوم خلاني أتوق
وإلا تركني من كثر مااحتراني
اشتقت لگ يآمولعي وأسأل الموق
هو نام من خلاك ترقد ثواني ؟
تستآذن بتاخذ من أبياتي بذوق
وقلبك مآشاورني يوم أنه خذاني
جميع بيت ببالي ألقاه مسبوق
قاله خفوقي قبل ينطق لساني
من كثر مابعض الهواجيس مطفوق
يبغاه لگ لأياخذه شخص ثاني
ان شفت لي بيت ن معدل ومسروق
عساه فدوه مابي أصير أناني
بالذات إذا مهديه عاشق ل معشوق
يسعدني أسعد شخص ماجاه جاني
قدرك هنا بالقلب لو قيمتك فوق
صدري هو أرضك لو سماك المحاني