ماينقض الجرح العميق الخافي 000اللاَ اللذي يرمي عليه السافي



انا على شاني بحبك ميّت 000تكسر ببحرك يالغضي مجدافي



اتبعك وانت السراب بعيني 000اتبعك في صحراك وامشي حافي



اقول يمكنّي احطّ بواحه 000والقى غدير العشق فيها صافي



لكن ضعنا والضياع اسبابك 000مايجتمع عاشق وقلبن جافي



ياكيف احبك وأنت عني غايب 000ينعاف حبك يالغضي ينعافي



وانا على شانك فقدت افراحي 000ويبين باسبابك جميع الخافي



وانت اللذي تكسر بعندك قلبي 000وهجرك على ليلي يصير لحافي



وانا اللذي اسهر عشان عيونك 000وانظم من شعوري عشانك قافي



واتجرع السم الذحاح ببعدك 000والبرد شتتني وحزني ظافي



ولاعاد ارجي منك اللا حاجه 000خلك على قلبي حنوناً رافي



واحفظ هواي اللي سكن بعيونك 000واوعدك اني في هواكم وافي