يغيب سدآح , وتغيب المشاريع = متى عساه يعود , بكره , تبيعه
له كم شهر ماعاد يكتب مواضيع = مدري غيابه شغل , ولا ذريعه
ياما إنتظرنا له , حضور وتواقيع = في صفحة الإبداع , ينثر بديعه
مُعجم شعر , تلتف حوله مجاميع = أعلام , من كل البلاد الوسيعه
يروي فكر , من سيل ماهو تناقيع = عذب المعاني جلَها , من صنيعه
ويقطف زهر , من روضةٍ في طرف ريع = سالت من الوسمي , على أول ربيعه
تِقبل عليه أحلى القوافي , مفاريع = من وين ما يأمر عليها , تطيعه
بصدورها طلع الزبيدي , مصاليع = ما تحتمل منه الجفاء , والقطيعه
إما يلاعبها بحشمه , وتدليع = ولاَ يسلّمها لغيره , وديعه
صح لسانك ياصالح قصيده رائعه وتبين معزتك وحترامك وغلى سداح وسداح يستاهل
|