الإهدأ إلى من يستحق الثناء*
الشيخ / منير بن نوار النمر




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
يوم بعض الناس ماتسمح ظروفه = شال كل الحمل شيال الثقايل

الكريم اللي غمرني بمعروفه = هو منير النمر كساب الجمايل

دلبحيٍ بالكرم تندى كفوفه = من سلالة روق متعبت الاصايل

كل جيرانه عشاهم مع ضيوفه = اتعب المرسول بايصال الرسايل

يرسله عزام ماقال محفوفه = للضيوف وللوفود من القبايل

وارث كل المكارم من سلوفه = ذبحة الحايل ولطمة كل عايل

سامعن بالاذن صيته قبل اشوفه = ثابت ماقيل عندي بالدلايل

الصخاء والدين والنفس العطوفه = من طبوع النمر مع باق الفضايل

كل فعل الخير ما يمكن يطوفه = ولا يجي بينه وبين الطيب حايل

جيرتي ياعبيد للنمر مخلوفه = ولا حصل تقصير من كل الحمايل

الصعايب عند شرواه معسوفه = كل ماتصعب يطوعها ذلايل

المراجل ماتتم بلا كلوفه = والنمر قول وفعل واف الخصايل
[/poem]