وليد العمودي

وليد العمودي:
نقول البدايه والبدايه كريمه
على الله نبدى كل شئ على الله
عسى ياعمر عندك حلال اليتيمه
حلال اليتيمه ضاع دقه وجله
عمر اللهيميد:
اشوف العمودي ياعسى الله يديمه
يسلمّ وانا اقول البقا في محله
تموت الضحايا والعواقب وخيمه
واشوف اليتيمه بين مذهب ومله
وليد:
يقولون كل الناس للشئ قيمه
واذا زاد عن حده ترانا نمله
ترى مرضعة نبي ربي حليمه
واذا فيه غير القول لله لله
عمر:
تعبنا على الدنيا نسوق العزيمه
عسى الله يغفر كل ذنبٍ وزله
سفير الحرم في وسط مصر القديمه
وابو الهول عينه في مصر مسفهله
....
وليد:
اذا الكل قال اللي تقولون شيمه
تطيب الجروح وترجع المستحله
دروب الوفا لا جيتها مستقيمه
ودرب المصالح كل شخصن يدله
عمر:
اصنفك من ضمن العقول الفهيمه
ودنياك شجره كلنا تحت ظله
حذارى تصاحب في زمانك بهيمه
ولا تفرح اليا لمعوّك المجله