[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
راحت حياتي بين وضح ومجاهيم=في ظل مرغوبٍ .. وفي وجه ممنوع
فقير.. وان جتني خيار المقاسيم=محروم ..واحبابي طوابير وجموع
تسري بي احلام الحياه المداهيم=وابني لها في ساحة الغيّ مشروع
وتومي بي امواج البحور الملاطيم=واوقد لها شموعٍ .. واطفّي لها شموع
تنزف عيوني كنها نزفة الغيم=وانا عيوني تفضح السرّ بـ دموع
خشيه من اللي لا رحلنا معازيم=نرحل عن الدنيا .. ولا نرجي رجوع
اما يجلسّنا بدار الاكاريم=والا على نارٍ وعد كل مخدوع
يارب جيتك .. والنوايا مفاطيم=الروح من خشيتك تنقاد لك طوع
يارب عفوك لا غدنّ المفاهيم=في وقت خيره بين مجني و مزروع
يارب لطفك لا إيبسنّ المناسيم=واصبحت في دار المقفين موضوع
فوضت لك حالي .. خشوعٍ وتسليم=ادعيك ساجد .. واترّجاك بـ ركوع
جمرة ذنوبي في الحنايا المحاشيم=توقض ضميري كل ما انويت بـ هجوع
يوم الآوادم بين رحّال ومقيْم=انا انتظر موتي من اسبوع لــ اسبوع
[/poem]