وش نيته

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
لا تِحـسِـب إنـك ليـا صـديـت رزقــي قـضـا=رزقـــي عـلــى الـلــي كـفـــل آدم وذريـتــــه
ما ضاقـت الأرض فـي ولا يضـيـق الفـضـا=واللـي وعــد واخـلـف المـيـعـاد وش نِـيِّـتــــه
كانـه يعـرف الـزعـل كانـه يعـرف الـرضــــا=لابِّــــده يـبـــــرر الـمــوقـــف وســــرِّيـتــــــــه
لا تِـلحقـون المـلامـة قِـدم قـاضـي القـضا=ياليــن مـن جــاك تعــرف وش سـبب جيِّتـــــه
ما نطـرق الباب مـن هاجوس لعـب وفضا=حـنــا لـنــا فــي سـنــام الـمـجــد عـالـيـِّتــــــه
ببحـور الأشعـار نسـبـح والبحـر ما فـضـــا=يـا هــايــب الـشـعــر لا تـغــرقــك قـافـيِّـتـــــه
مـا دام ما شفت بـرق المـزن ضـَوِّه وضــا=لا تـرجـي السـيـــل دام الـبــرق مــاريِّـتــــــــه
اللـي مـضـا فـالـزمــن روَّح وخـلِّـه مـضــا=واللـي لـفـا حَـسـنـِتــه تـغـلـب عـلـى سيِّتـــه[/poem]


الشاعر / محمد عبدالمحسن الجميلي

musalt-n-alhosna@hotmail.com