المشاركة الأصلية كتبت بواسطة ضيف الله حمدان الدلبحي
يا عيوني هالبحر مرويك مـن درّه ولولـه
علقي على حجاجينـك غـلا .. لولـه ودرّه
ردي المعروف بالمعروف بالصدق العمولـه
سيلي دمع السماء نجمه من حدود المجـره
دمعةٍ مـا حوّلـت لله ورى العـز معقولـه
وحرةٍ ماهي على فوت العبـاده بـرد حـرّه
أي نعم مذنب ولي فالذنب كم صوله وجولـه
أي نعم عانيت لين افنيت عمـري فالمغـره
اتهادى فالهموم وكـل غـم امـوت حولـه
وادفن احساسي بقبر الذنب واحاول ما امـره
قافلة ذنبي شداد و وحبـل جمّـال وحمولـه
والطريق اضيّق على ظهر الخياطه والازره !
ما بقالي ورد في صدري ما يشكي لي ذبوله
والسنابل سنبلـه صفـراء وسنبلتيـن بـره
اسبعي والا اثمني والا اتسعي ماهي رجولـه
اني اسيّر بحزنـي فـي مساحـات المسـرّه
من هناك الى هنا يـارب غفرانـك وحولـه
العمر مره وذنبـي عاشنـي مليـون مـره
ما قدرت وما عرفت وما ذكرت اللي باقولـه
مروا الركبان في قلبـي معاذيـر ومضـره
لوحت كل الدموع وصارت الخطـوه عذولـه
البحر فارد يدينـه والحـزن حضنـه مقـره
ما لقيت من السكينه فالتمادي ربـع تولـه
كيف ابلقى سكر الايمان وسط اجـواء مـره
ما لقيت من أسهل الاشياء غير اسم السهوله
اصعب الاحزان يقبل خيلها فـي كـل كـره
في هوا نفسي وجلد الذات حققـت البطولـه
وفي حقوق الوالي المعبود مـا حققـت ذره
يالله اغفر لي بعد ما جيت لك رجلي عجولـه
سبتها ماهو بحـر وساقهـا ماهـي بحـره
معتصم بالعفو منك وطالبـك يـارب انولـه
انت يا قادر ويا معطـي وعالـم كـل جـره
مذنب ومغمور جبت من البحـر درّه ولولـه
وان رجعت الى البحر يـارب لولـوه ودرّه!
الله الله الله
صح لسانك
قصيده لا أملك إلا أنسخها كامله لروعتها
قمه x الجزاله x السلاسه x الترابط x الشاعريه
لله درك ملايييييييين
تحياتي ومتابعتي المستمره لماتكتب ..
يا مرحبابك يا بوحمدان
من دواعي سروري انك تتابع ما اكتب ، شكراً من القلب على كرم مرورك
صح بدنك وجعل عمرك طويل
محبه وتحيه 