عبدالرزاق الذيابي

موجّهه مع حُبّي وتقديري لإبن السابعه نايف, و إبنة الثالثه لولوه:أبناء شقيقي الغالي المرحوم بإذن الله النقيب/ مبارك بن مخلد الذيابي

يا نايف اِبن مبارك وشهي اَخبارك؟!
,,,,,,,,,,,,,,,,,,, بَعْد الفقيد/ الشهيد.. الهَمّ طاويني

باسِم, و حاسِم.. وِ في أمن البلَد شارَك
,,,,,,,,,,,,,,,,,,, دايم يقول: الوطن غالي, و يغليني


وشلون اباْ ارثيك!, و اكتب فيك يــَ مبارك!!
,,,,,,,,,,,,,,,,,,, إليا رثيتِك! مِن اللي بَسّ يرثيني!!

ياخوي بَعْد اِنتهىَ دربك و مشوارك
,,,,,,,,,,,,,,,,,,,,,,, ماعاد في دنيتي شيّ ٍ يسلّيني

واللي رفع عِند كِلّ الناس مقدارك:
,,,,,,,,,,,,,,,,,,, ماعاد فـ الكون عقبك مِن يواسيني

بَسّ آتسلّى بعِلْم الطيب, و اَذكارك
,,,,,,,,,,,,,,,,,, وْ حبّ ٍ يضخّه خفوقي في شراييني

ياخوي كان الوفا, والنخوَه اِشعارك
,,,,,,,,,,,,,,,,,,,,,, والمرجله قالت: اِمبارك عناويني

مبداك واحد.. بــ ميرادك, و مصدارك
,,,,,,,,,,,,,,,,,, تَبتِل.. ولا قلت: ابَد.. ما عاد يمديني

ياكم طلبتِك وَ لا تبدي لي اَعذارك
,,,,,,,,,,,,,,,,,, يا راعي ( ابشر ) بوقتك, يا مهنّيني

أخوي, و آنا خويْ جلْسَتْك, و اَسفارِك
,,,,,,,,,,,,,,,,,,,,,,, واليوم مافيه عقبك مِن يخاويني

يا كبر حِزن ٍ بداخل مهجتي بارِك
,,,,,,,,,,,,,,,,,,, هَمّ ٍ كما الجمر في صدري يصاليني


يــَ مبارك اَدعي: عسىَ جَنّة عَدن دارك
,,,,,,,,,,,,,,,,,,,,,,,, أرجي سميعٍ مُجيب ٍ ما يخلّيني

يرحَمْك مِن يَعلَم النيّات, و اسرارك
,,,,,,,,,,,,,,,, سبحانه اللي خلَق.. و ابعَدْك عَن عيني

ياخوي جِعْل الحبيب المُصطفىَ جارك
,,,,,,,,,,,,,,,,,, آمين راكع, و ساجِد.. و ارفع اِيديني


وْ اِرتاح ياخوي.. اَنا خَدّام لــ اِصغارك
,,,,,,,,,,,,,,,,,,,,,, وجودهم مِن بعَد موتَتْك! يحييني

بستانك الطاهر اللي يَجمَع ازهارك
,,,,,,,,,,,,,,,,,,, نايف! بقلبي, و منزل لولوه! عيني


يا ربّ تجعل لنا في نايف اِمبارك
,,,,,,,,,,,,,,,,,,,,,, يصير مثلِه.. و هاذا اللي يعزّيني

رَبِّ ابْنِ لِي عِنْدَكَ بَيْتاً فِي الْجَنَّه


mergab-gold21@hotmail.com