عبدربه

وهذي قصيده مكتمله ،
تسيف أسوي مثلها !

:


تواجدي في حياتـي شبـه معـدوم
أحاول أثبت حضوري بالغصيبـه !!

الواقع ايطيح ليـن أحلامـي اتقـوم
وأدفع من الحلـم للواقـع ضريبـه

معطيني الله عيون تحـارب النـوم
ومحرمني الله من عيـون الحبيبـه

أودّي علوم .. وأرجع وآخذ علـوم
يا مـودّي العلـم تكفـى لا تجيبـه

مانيب كامل .. ولاني ناقص اهمـوم
فالصدر كم ضلع لـجّ عـواه ذيبـه

أن متّ من ضيقتي مانيـب مرحـوم
وأن عشت والله مـ/ أرضى بالغليبه

واليوم لو طال عمري ( جعله القوم )
وش موقفي بكره اليا صرت شيبه ؟

ما كننـي عشـت فالدنيـا ولا يـوم
في كل يوم أكتشف حاجه غريبـه !!

:
المبدع / عايض النفيعي

ياحيف يابعض العرب..ياحيف ./. أخطوا .. وأنا من فعلهم منصاب !
الصيف راح ودار حول الصيف ./. لكـن شـب النـار .. ياشبـّاب
يمكن سناها في الجبل لا شيف ./. يصبح لمن هو ينظره جذاب
من .. مار وألا جار وألا ضيف ./. والا من الأصحاب والأجناب
حتى يجـي نواف عند .. منيف ./. ويعوّد الغائب .. بعد ماغاب
ربعٍ لهم على النوايف .. نيف ./. تنقض حجج من يفتل الأشناب
كرم وعرف .. ولا تبا تعريف ./. والطيب طبعٍ لاهل الأطيـاب
وافين .. مافيهم ردي وضعيف./. تلقى الشباب أطيب من الشيّاب
وأنا أتسآءل .. كيف بالله كيف ./. نزّلهم تويتر من المرقاب ؟!
.....

قصة حياتي :
http://montada.mergab.com/showthread.php?t=28348