لاجيت ابسلا حنت الروح واوحيت
صوتٍ يناديني وسجات وامـزوح
بكيتها من قلب ليـن انـي ابكيـت
من جا يواسيني عن الهم والنـوح
ياليتنـي قبـل تـوفـى توفـيـت
والا معاها في ثرى القبر مطـروح
اخير من دنيـا الشقـا والتناهيـت
وارحم من التفكير واريح من البوح
اصعب وداع موادع الحي للميـت
تسكير بابٍ للأمـل كـان مفتـوح
حتى الرجا ماينفعك لـو ترجيـت
ولا للبكا في موادع الميت مصلوح




صح لسانك يا سعود ولاهنت

وعسا الله يرحم ميتكم ويجبر مصابكم

تقبل تحياتي ومشاركتي