محمد الايداء المورقي

جديده

[poem=font="Traditional Arabic,5,black,bold,normal" bkcolor="transparent" bkimage="" border="none,4,firebrick" type=2 line=1 align=right use=sp num="0,black""]
اضرمت نار الحب في شجرة الشوق=لين اصبحتْ مشكاة فـي عين عشّاق

تلعب بها ريـح الصبـا لعب طاروق=لا مال شطـر البيت ملنا على سـاق

ماهو صحيح ان كل مطرود ملحوق=يامـا تبعتـه ليـن يبسنّ الاريـاق

امشي على الجره وشبح النظر فوق=من خوف لا يفطن لها كل بـواق

القـلب من فرقا الموليف محروق=ماعـاد ينفع معـه ترتيب الاوراق

عنّز على جاشٍ من الضيم مفتـوق=لجت ضلوعـه عانقتْ كل الافـاق

يستنطـق احلامٍ لهـا عهد ماثوق=تسـري هواجيسه على غيرماطاق

عينه على ديمة لها رعْـد و بروق=يكشف سنها صبح ما حوله اشراق

وانا عليها خاطـري ساقني سوق=سوق الركايب لا حدا القيض بّراق

مكانها في داخـل القلب مرمـوق=وشلون ما اغليها وانا حيل مشتاق

كشفت حبٍ حابسة جوف صندوق=عاجـز يبلّغها مـدى صدق الاشواق

دام الرجا من كف الاقدار مطلوق=خل الجفون اتسيل من دمع الاحداق

لكن ليا هلّتْ دموعـي من المـوق=صعبـة يجف الدمع والدمع رقراق

![/poem]

لمراسلتي

http://mhaamd.arabform.com