.
.
تهشم الخوف في صدري /وانا ما كتبت
........................هزايم البوح طابعها على كل بيت
ديم التفاكير / لا خيل خياله تعبت
...................... يا ليتني / قبل ترجمة المشاعر بكيت
احتاج / احس ان كلي من الاهي قربت
................. اخاف / قرب الاجل مني وانا ما سعيت
اهز غصن الندامه / كل ما طاح سبت
...............كني كسرته / على رجوى الاحد لا نسيت
من واقع الذنب /لشتات التآمل هربت
................. وما اضن به عذر يقنعني / هذا لا لقيت
يا كثر /ما زلت النفس الجموح وحسبت
.............خطوات الاقدام /مع درب التعب لا سريت
عجزت احاسب /ملذاتي على ما وهبت
....................يا ليتها ما تت الرغبه /وانا ما عطيت
لو العتب يرفع الظيقه بلحظه عتبت
.................على ضفاف الخطايا/ لا زرعت وسقيت
اكلت من جنة الدنيا : كثير وشربت
.................وشبعّت عيوني /من الغيمه وانا ما بديت
ضمتني السحب /وازهر داخلي كل نبت
..................ولحفني الليل / عن برد الشتا ما دريت
على كثر /ما انحى عود الثمام وجلبت
..................انفاس ورد الربيع /بساعته ما احتريت
ما عاد كني على قوس الربابه لعبت
..................بس اذكر اني على صدر الثريا رسيت
.نسخه من النص لقسم المواهب ..
.
|