ما أقول مات الكرم من موت سلطان ,
حنا ( عرب ) - والكرم فينا طبيعه !
أقول : ماتوا شعوب وهلكت أوطان ,
يوم الإذاعه : خبر موته .. تذيعه !
ياقل من يشبهونه ( ناس ) فـ إنسان ,
مجد ٍ : ماكل الأوادم .. تستطيعه !
قبره يضمّه , ( لكن ماهو بـ الإمكان
يضمّ ذكره ) .. وذكره فـ الطليعه !
الله يجازيه بـ الإحسان , الإحسان ,
فقده على من يحبونه : ( فجيعه ) !
ويربط على قلوبنا , ويزيدنا إيمان ,
ويعوّضه بـ ( الدرجات الرفيعه ) . ,
ويقابل ذنوبه .. بـ / رحمه وغفران ,
ويجعل رسول الهدى الهادي شفيعه ,
أقبل على أكرم كريم , وخير رحمن !
أرحم به من الحنونه بالرضيعه ,
ياكمّ بـ طيّات الأمس أحباب وأخوان
والمقبل ( اليوم , والصبح , وتبيعه ) !
ياليتنا .. نتعّض في قصر الأزمان ,
وندري إن الأيام بـ أهلها سريعه !
لو الصبر سلعة ٍ تشرى بالأثمان ؟
لـ ندوّر الصبر .. عند اللي يبيعه !
لكن نسأل عزيز الملك والشأن ,
يرحم عباده بـ رحمته الوسيعه ,
ويمتّع بـ ما يحب طوال الأيمان ,
اللي مايرضون لـ الأمه .. هزيعه !
القلب ( 1 ) لو الأجسام شتّان ,
في كل قطر ٍ من العالم : نزيعه !
وحنا لـ عبدالله ونايف وسلمان :
أسود الإسلام , وجنود الشريعه !
إن جت من الداخل ؟ المجرود شامان
وإن جت من الخارج ؟ حصون ٍ منيعه !
أحيانآ .. زيادة الأعداد - نقصان
وأكبر خطاء صفنا : ( سنّه وشيعه ) !
نبي نتميّز على .. سنّه وقرآن ,
والا بـ يوم ٍ .. مثل يوم الوديعه !
وجيهنا .. ما تلوّن مثل الألوان ,
ولا نخادع , ولا نرضى الخديعه ,
من عهد جداننا .. لـ عهدنا الآن :
والله ما خنّا .. وفـ الأرقاب بيعه !
لامبراطور الشعر
مشعان
|