يا اللي تراسلني على الخاص والعام
تسأل عن احساسي وصادق شعوري
خلاص انا ودّعت حبك من العام
وفرقاك صارت من دواعي سروري
يعني رجوعي .. برمجه ضمن الأحلام
وألا لا تحلم بي إذا طعت شوري
امسح عناويني / وايميلي / والأرقام
ولاتتصل بي لو تبيني ضروري .!
رح واعتبر مافات : دوّامة اوهام
وانا اعتبر مافات : حادث مروري
حادث مروري صار في الشارع العام
اخّرني .. لكن ما حرمني عبوري
آسف إذا فجّرت في صدرك الغام
لكن جبرني الوقت .. اسجّل حضوري :
لا عاد ترسل لي على الخاص والعام
هذا شعوري جاك واقبل شعوري .!