[poem=font="Traditional Arabic,6,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شريت الوصال وسقت الأمآل مهر ومال=وهو مثل موت الطفل من قبل ميلاده
لايحزن ولا يسعد لقاء القادم الرحّال=رحيله ما يترك شي من عطر ميعاده
هذا والله أصّدق ماكتبته من الأمثال=وهذا اللي عرفته معك وأصبحت معتاده
متى ارويت من وصلك عطش كبدي القتّال=متى كنت تفهم دافع الشوق وأبعاده
متى وانت يغري قدّك المايس المياّل=تقهويتني بأسم الغلا سكر زياده
متى رحت بي من زحمة الناس للترحال=ولقيتك معي سجني وقيده وجلاده
متى وانت حتى اسمك مع الشعر ما ينقال=وانا حلمي البّسك من شعري قلاده
متى والوكاد الحال ماهيب ذيك الحال=ذبحها الضما والوصل حنّت لميراده
انا اقول ما تحيا المحبه بدون وصال=ولا أقول حبك دين ووصالك عباده
من آخر سنة تسعه وعشرين في شوّال=وهو مانقص حبّك إذا الوقت مازاده
لفى مثل ضيف البدو والقلب طيّب فال=لا جاه المسيّر دايم يطول مقعاده
من ضلوع صدري حط دونه وخلّفه جال=وتراكى مثل شيخً مشيّخّته أمجاده
كذا لين صرت الآمر الناهي الفعّال=كذا صرت تطعنّي وأسآمحّك كالعاده
مسآمحّك واطّعنّي وطعّنتك (بنت ارجال)=لها القلب كرسي والشرايين سجّاده
لكن التفت قبل المقآدير والأجآل=تلفّ انّسجتها حول أحدنا وتقتاده
تغانم ولا تأخذك بالوصل طوّلة بال=ولا أقّبلّت خلّك واحدً حن لبلاده
يحث الخطى متسارعه والوله لا زال=يمدّه بقوة عزم وأصرار وإراده
لأنه فهم معنى محبه بدون وصال=وعرف ليش دين الحب ما وصّله عباده
[/poem]