[poem=font="Simplified Arabic,7,darkblue,normal,normal" bkcolor="transparent" bkimage="" border="solid,7,blue" type=0 line=0 align=center use=ex num="0,black""]
[poem=font="Simplified Arabic,6,blue,normal,normal" bkcolor="transparent" bkimage="" border="solid,6,white" type=0 line=0 align=center use=ex num="0,black""]
[poem=font="Simplified Arabic,5,blue,normal,normal" bkcolor="transparent" bkimage="" border="solid,5,blue" type=0 line=0 align=center use=ex num="0,black""]
أعضاء ومتابعي ومرتادي هذا الصرح الشامخ السلام عليكم ورحمة الله وبركاته
سرني بعد هذا الانقطاع الطويل أن أقدم الأربع باقات متتاليات أرجو قبولهن كما هن
الباقة الأولى
مبروك فوزك بالجزاله والألباب=اللي أسترت أسموعها بالجزاله
أسقيت ذايقة الأدب نبع الأعجاب=وأرويتها لين الظما شان فاله
ودخلت ساحتها وفتحت الأبواب=على محاسنها القراح الزلاله
وقامت تلافت لك على الموعد أرقاب=الشعب وأصحاب السمو والجلاله
مبدع ولك فالأرض منبر ومحراب=وموشحن قافك من أسمك جماله
يمر تصويرك على هون الأهداب=وتوحي لقلب المستمع من خلاله
أن القصيد بخير والقاف ماشاب=وتبروز اللوحه حروف الرساله
يابو بدر قدمت من كل ماطاب=طيب وراع الطيب هاذي خصاله
أنته منحت الشعر ياشاعر ألقاب=وكان اللقب خسرك من شين فاله
فيصل مهنا السلات
الباقة الثانية
يامروض العوب العنيدات الاصعاب=يامخثرن هيل الوفاء في دلاله
ياللي منحت السيف أبو حد ونصاب=مجدن يليق بهيبته وأعتداله
كسيتني من لبسك الحسن جلباب=حولتلي من راس مالك حواله
أطربت سمعن يعشق الكيف لوذاب=في بحر كمن : صيد غيرك حثاله
الشعر : ينشي من خيالك وينساب=سهلن يهيي سامعه لأنتقاله
تانس له الكاعب , وترضاه الأعراب=في رقته , في قوته , في كماله
شكراً على وقفتك في حزم كلاب=يوم البناخي ماوقف جنب خاله
يقوله اللي رغم بذله للأسباب=يومن بقول اللي صدق في مقاله
من لايغبر شاربه بين الاشناب=مادسم أشنابه ولاأكرم سباله
وإلى هنا : أستاذنك منعاً للأسهاب=عذراً عن التقصير وأعن الأطاله
ناصر محمد السلات
الباقة الثالثة
عامين لو قلت أسمع الشعر كذاب=مسار فكري صارفه عن مجاله
وفجأه وأنا عابر سبيل : أنفتح باب=مبنى مرصع بالسمو والأصاله
ملاكه الأثنين أبو زيد وذياب=الكل منهم ماتغالى رياله
أفنوه لجل يكون مبناهم كتاب=يقراء مثل ويقارنون بمثاله
محصنينه بالوفاء ضد الإرهاب=على النشاز أمرً يفيد أعتقاله
الشعر من تيار الأفكار مرتاب=مير الثنين أستئصلوه بوصاله
فيصل ليا جابه سبب للبحر جاب=معه : من العمق البعيد بـ مناله
اللول والمرجان : يومن الأغراب=تسبح معه ولاتحوز الزماله
وناصر عن التشبيه في راس مرقاب=من ينتمون لمنهجه في ضلاله
مثل السحاب اللي على الحزم صباب=يغرق سهوله ويتطامى جباله
أقف : وأقدم شكر تقدير وأعجاب=لموروثنا الشعبي وصفوة رجاله
طايـــل عــــوض الســــلات
الباقة الرابعة
قريحتن بالشارده مالها أنجاب=ماتحمل التفكير والأنفعاله
أفضل لشاعرها تنحي ومجناب=ماله ومال البلبله والضلاله
ياناقب البترول في راس مشعاب=مأخذت بالفنجال والا البياله
واسع خيالك قبل الآيفون واللاب=يوحي بشيخن كل دقنه هلاله
تجسيد عذب الشعر في رمز الأحباب=يلفت لرواد المعرفه دلاله
بن الوعي لازال موجود ماغاب=وإنك على ركب الوفاء والشكاله
أخذلك إشادة صاحبن فيك ماخاب=تعطيك دافع معنوي وإنتقاله
عن عالم التسويف وأرباب الأكذاب=ناسن على الشعر الحقيقي حثاله
رمايهم لويرمي الضلع ماصاب=مهما تحاول ترشده لامحاله
قلته وأنا ماني مراوي ونصاب=واليا أدرج حبل الرشا فالمحاله
وسمي على أرقاب المغاتير الأشباب=طفح اللواحي طيبات السلاله
محيا محمد السلات
[/poem]
[/poem]
[/poem]