[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الجيب ما هوب للكرنيش و الحاره = و الا لشيل العوايل و التسواقي

ابغيه قي لازمي لا طال مشواره = عسى يسلي علي صدري لما ضاقي

سيارتً صممت باوصاف طياره = كن حسه الشيف و الشمعات براقي

اضغط على دقمته و اثبت الطاره = واكذب اهل المثبت و التعلاقي

لا بان وجه اللزوم و قلت اعذاره = اشيكه و اعطي البنقالي الباقي

قالوا ترى حفل عمك وصلت اخباره = والله لااجيه لو امشي على ساقي

الشايب اللي يعرف الكيف و بهاره = في مجلس فيه غال العود ينساقي

و من بعدها كلً مولع على داره = و لابد عقب التجماع التفراقي

عسى سحاب الربيع تهمل امطاره = شرقيةُ قدمها البراق خفاقي

يزم عشب الربيع و تنبت ازهاره = و اتبع هوا خاطري و ارتع نياقي
[/poem]