مشخص السلمي

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
استغفر الله من كلامك وازبنه وادخل عليه=عزالله انك زدت عن حدك يا حمزه كاشغري
ابليس يلعبك وحطك له قلم بين اصبعيه=يملي وتكتب لين عنصربك معه يالعنصري
ذات الاله اللي نعبده كلنا منّه واليه=وشلون ما تؤمن بربٍ خالقك يا مفتري
سفاهتك زادت وزاد الخبث معها يا سفيه=حتى رسول الله تهزاء به ولك وجهٍ جري
هذا رسول الله وكلٍ قد فداه بوالديه=المصطفى اللي بأجمل الاوصاف واروعها ثري
هذا محمد تبت يدينك ولا تبت يديه=حبيبنا اللي ربنا الخالق عطاه الكوثري
هذا محمد ما نطق بالكذب بين الناس ( فيه )=اصدق بشر شفيعنا يوم النهار الاكبري
هذا محمد بشره بالخير صدرٍ يحتويه=هذا محمد رحمة الله فالبشر والمحشري
عليك يا حمزه مثل ما فوق سودان الوجيه=اللي من الالحاد فالتفكير ما منهم صري
عليك حكم الله وحكم الله بمثلك نرتضيه=الشرع شرع الله وانا من ما دعى فكرك بري
يا رب اعذنا لا تواخذنا بعلمٍ مفتريه=واحسن خواتمنا وجنبنا الزمان الاغبري
انت الوحيد اللي نعبده فالحياة ونرتجيه=وأنت العظيم اللي من الهيبه زعج له ناظري
وأنت الرحيم اللي يعلقنا الامل والحب فيه=وانت القدير المعطي المنان رب المشتري
وختامها صل الله وسلم على الوجه النزيه=محمد اللي سيرته عطره بمسك وعنبري
[/poem]

سبحان الله وبحمده
سبحان الله العظيـم