خل النوى ينبت عمى واتبع النـور

بتلقـى الظـلام بهامتـه لا تهابـه

زلَه وتلقى صبح مفتـون بطيـور

ما يشبه لصبح الشقـا واغترابـه

هناك شمس وظل وجبـال وبحـور

وهناك راعي البين يلعـن غرابـه

وليا وصلت وشفت مضمون مستور

زيده ستر لا تحرمـه مـن ثيابـه

غطّه بصمتك واكتب البيت مجبـور

لا تكسره خلـك هـواه و زهابـه

وخلك عصا موسى إذا كنت مسحور

ابلـع ثعابيـن الغـدر وارتيـابـه

واخذ عزاك بقص‘ة اليـمّ والطـور

واعرف ترى المكتوب حبسه كتابه

أقرا تطول وتنحني هامـة السـور

واتشوف عمرك ليـه روَح نهابـه