بسم الله الرحمن الرحيم

طابت اوقات الجميع بكل خير ، اعتذر على الغياب الخارج عن الإرادة ، و اقدم لكم هذه الابيات المتواضعه لعلّها تشفع لي عن غيابي وتنال على إعجابكم .



[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
قبل تغيب وقبل تأخذك دنياك=وقبل الهبوب اتلدّ وجهة شراعي
دامك نويت ولا عرفنا خفاياك=ما للصبر في بعض الأوقات داعي
جيتك و أبى آحفظ من ملامح محياك=ما جيت لك عشان أوثّق وداعي
لوّ كنت مخطي قبل شوفك بلقياك=اليوم أبي قربك بشتى المساعي
خليتني رهين خافي نواياك=وأنا بكل لحظه يزيد اللتياعي
ما تعلم اللي داخلي من سواياك=الحزن فيني فاق عن حزن ناعي
ما كنت عايش قبل قربك و لآماك=الاّ عقب شلت بيديك القناعي
يا غرةٍ ما فيه يشبه حلاياك=زينك ما خالط فيه شيءٍ صناعي
عزالله اني واحدٍ من فداياك=لوّ كان ما لي منك غير الضياعي
وعزالله انك غايتي و آتمناك=أقولها من نظرتي و اقتناعي
اليوم عن عرش الهوى تقصر خطاك=ومن بيننا يقصر حميد المساعي
لدّ النظر فاللي يحبك ويهواك=و اسّمع كلامٍ يوجبك لإسّتماعي
قلبي معاهدني ولا يوم يجفاك=ياللي تجازي وصلنا بإنقطاعي
ارجع ونوّخ للمحبة مطاياك=يمكن بحالي عين حالك تراعي
كتبت لك قدام تأخذك دنياك=وجتك الرسالة دون عاني و ساعي !![/poem]

♥

آحبّها و اودّها و / الحقيقه !
كلّ المشاعر ما توصّف غلاها

حبيبتي و الوصل ما له / طريقه !
إلاّ تحمّل للجروح و شقاها

قلبي رهين الثانيه و الدقيقه !
يشقى و روحه ما يهوّن بلاها

وأنتي على وصلك نفوسٍ تعيقه !
لكّن بموت ولا حصلّي رجاها

♥