منتديات المرقاب الأدبية - عرض مشاركة واحدة

14-04-2012, 09:42 PM

أبيات بمثابة الوسام من القدير / عبدالعزيز هليل :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
عقب القطاعه قدتها حب ووصال = دره واكوسر بالهجيني لحنها
ان قلت سبع اسنين فاقفاي واقبال = ياكثر ما مرت وتسحب رسنها
وان قلت موت القلب عن موت الازوال = شكر الجنايز فوق خامة كفنها
وان قلت من ياقف مواقيف الابطال= شفت الوجيه اللي زراها سجنها
واللي يقول انه رفيقي ولازال = لاراهن الطالات يكسب رهنها
واللي عليه امن التكاليف مثقال = مسموح والرفقه صحيحٍ بدنها
ماني بلوامه على كل الاحوال = والناس فتر عزومها من وهنها
ياللي سواتك تبعث ما يسعد الحال = عندي لها قيمه وقلبي وطنها
جزله وتملك من ورى العوج منزال = تأمر مادامي حي دايم وتنهى
شكراً من الاعماق يا محمد بلال = عن كل كلمه جعله انصاف منها
ان كان في شكراً ثمن بعض الافعال = البعض شكراً ما يوفي ثمنها
افعال حمل ارجال في وزنها ثقال = ترجح بشكراً عند رجلٍ وزنها
وافعال لاوزنة على كل مكيال = الها يساق الشكر ويزود عنها
وانت بسواتك بادي بروس الاقذال = تارك طمان الارض للي سكنها
شكراً جزاء رجال من قلب رجال = عن كل كلمه جعله انصاف منها[/poem]