[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

عتب ريح المشاريه ، استبد بقلبي الميّال = وهزّه ، لين طاحت في ثنايا روحي اوجاعه
مشيتك يالدروب الشايكه ، بين الضمى والجال = ادربي راس مجدٍ ، حافر التاريخ باصباعه
ولا مرّ بخيال الفارس اللي .. ماعليه جدال = يطيح ابه الجواد اللي تحته ، ويكسر ذراعه
وهو ، ماهوب ناقص نور شمع وشمعدان ظلال = ياكم له ! يزرع الشمس ، ويعقرب عقرب الساعه
تبع وسم الحيا ، واثر الحيا ماهوب حِمْل جمال = مفاريدٍ على طول الطريق ، تجمّل الباعه
ياليته ، ماربط حبل الرجا في نزوة الرحّال = تلوّى الحبل برقبة الضمير .. وقرّبت قاعه
وطن ، وش عذرك ان مرّيت فيك استجدي الآمال ؟ = وانا اللي ماعطيتك .. غير وجهٍ يكره قناعه
لو انّي قبل ماارحل عنك ، اشوفك فالضمير اطلال = لكنّ اسمك وطن ، ترفى الصدر وتليّم اضلاعه
كذا ! غرّبتني في ديرةٍ ماتنفع العقّال = جموع وجيه ، يرضيها ابتسامة وقت خدّاعه
عجزت اضحك على نفسي ، واجامل وقتي المحتال = وانا لو مت ، ماحطيت وجهي فوق شمّاعه
كبير بعيني ، وعين الكبير اللي كبير افعال = لو انّ الوقت هذا ، كثرت جحوشه على سباعه
وانا مانيب والله ظلعٍ قصيّر ، وسئّ فال = تعوّدت اسمع بفم الصعاب : السمع والطاعه
لكنّ الريح ، هزّت من عتبها قلبي الميّال = وطاحت كلمتين من العتب .. تحكي عن اوجاعه
[/poem]

ask me