عبدالله مقبول الشهيب

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

لا تنولـد ياحـب وتمـوت مقتـول

بيدين جرح(ن) ما يبي جرح ثانـي

شف السحاب بمزنة القلب مغسـول

وشف الجفاف اشلون عم المحانـي

وشف الحمام بدفتري كيـف مبلـول

اخذ حروفـي دمـع وابهـا بكانـي

ظل الهوى ياحب بالحـزن مقيـول

وانا بصمت الكـون ضايـع مكانـي

مرات اقول الليل لحروفـي اطبـول

ومرات اقول الصبح ستري وامانـي

ومرات نبض الجرح في قلبي اخيول

ومرات شمع الصمت يضوي عشاني

محتار اسولف لدجى قصـه افصـول

فيها الخريف اختار عمـري موانـي

طاح الورق والريح في صدري اتجول

وذكرى المطر اغصان جرد(ن)تعاني

سنين عدت ما حدر قاعهـا اسيـول

وطيورها ماتـت عطـش للأغانـي

هذا انـا ياحـب عبـد الله مقبـول

قلبي سبق للجرح وفيـه احترانـي

وان جيت ادور في طريقي لك احلول

وشلـون وقلبـي هايم(ن)مالقانـي

[/poem]